Cúrsaí Gaeilge & Oidhreachta do Dhaoine Fásta 2025

Cúis áthais ag Oidhreacht Chorca Dhuibhne agus ag Bord Oideachais agus Oiliúna Chiarraí Clár na gCúrsaí Gaeilge & Oidhreachta 2025 a sheoladh.  Táimid ana-bhuíoch do rannpháirtithe Chúrsaí 2023 as a dtacaíocht.  Deintear freastal sna cúrsaí ar gach léibhéal cumais, ón nglantosnaitheoir go dtí an cainteoir líofa agus deintear sainchúrsaí a reachtáil dosna heagraisí a lorgaíonn a leithéid.  Ar na cúrsaí sainspéise tá Cúrsaí i Scríobh agus in Aistriúchán na Gaeilge, Cúrsa Siúlóidí & Oidhreachta, Cúrsa sa Stair Áitiúil & sa Bhéaloideas. Cuirtear cúrsaí oiliúna/cruinnis ar siúl do mhúinteoirí chomh maith.  Reáchtálfar cúrsa úrnua i mí Feabhra atá dírithe ar scileanna scríbhneoireachta & labhartha na Gaeilge chomh maith le scileanna teagaisc do mhúinteoirí atá ag teagasc tré Ghaeilge.  Cuirtear fáilte chroíúil romhat páirt a ghlacadh i gceann de chúrsaí Gaeilge na hOidhreachta & Bhord Oideachais & Oiliúna Chiarraí in Áras Bhréanainn i gceartlár Ghaeltacht Chorca Dhuibhne.

Cúpla rud a chaithfear aird a thabhairt orthu:

• Sa chás go gcuirfidh tú an cúrsa ar ceal, i scríbhinn, suas go dtí trí sheachtain sula dtosnaíonn an cúrsa, seolfar aisíoc lúide táille riaracháin €35 ar is ais chugat.  Baineann an costas seo le riaradh ar áirithintí, ullmhú an chúrsa, obair ullmhúcháin in ionad an chúrsa agus soláthar an chúrsa).
• Má cuirtear an cúrsa ar ceal, i scríbhinn, laistigh de thrí(3) sheachtain do dáta tosnaithe – faoi discréid na bainistíochta a déanfar aisíoc.
• Is féidir clárú ar líne do Chúrsaí Iúil & Lúnasa ag www.oidhreacht.ie.  Lorgófar an táille iomlán uait ar chlárú duit.  
• Maireann cúrsa seachtaine ó 9.30 maidin Dé Luain go dtí 11.00 ar an Satharn, ar an láthair.
• Cuir an lóistín in áirithint chomh luath agus is féidir mar go mbíonn ana-éileamh ar lóistín sa cheantar mí Iúil agus mí Lúnasa.
• Clárú do gach cúrsa ar an dáta sonraithe.
• Triail Ghaeilge ar fáil ar an suíomh www.teg.ie nó www.gaelchultur.com chun tuairim a fháil do leibhéal do chuid Gaeilge.
• Tuilleadh Eolais:  [email protected]; (353) (0) 66 915 6100